打开主菜单

Baekging si (Sawgun: 北京市 ), lij heuh Bwzgingh si, dwg soujduh Cunghvaz Yinzminz Gunghozgoz.

Gaisau编辑

Baekging dwg aen soujduh Cunghvaz Yinzminz Gunghozgoz, dwg daengx guek cwngci ginghci caeuq vwnzva cunghsinh. Cunghgoz Gungcanjdangj Cunghyangh Veijyenzvei, daengx guek Yinzminz Daibyauj Davei Cangzvu Veijyenzvei caeuq Gozvuyen cungj youq gizneix.

Daj Baekging baenz soujduh Cunghvaz Yinzminz Gunghozgoz le, aen singz lizsij mizmingz neix, couh engq nauhyied, engq gyaeundei, engq fanzyungz lo. Gij vunz Baekging ngoenz beij ngoenz lai, dieg singz ngoenz beij ngoenz gvangq, gunghcangj、yozyau caeuq yihyen hix ngoenz lai gvaq ngoenz. Gaxgonq dwg daemz go'ngox, seizneix bienqbaenz suenva lo; gaxgonq dwg diegfwz, seizneix gaenq baenz gai moq lo. Doengh diuz gai ndaw singz coih ndaej youh gvangq youh soh, ranz song mbiengj gai hwnj dwk hunghung sangsang, youh miz faex raemhrwdrwd, daengx singz gyaeundei lumj aen gunghyenz nei.

Baekging hwnj roengz bae dauq gig fuengbienh, miz haujlai dietloh、goengloh caeuq hangzsen doeng daengz daengx guek gak dieg.

Baekging miz haujlai giz miz mingz gujciz. Gyang singz miz Gugungh、Bwzhaij Gunghyenz、Cunghsanh Gunghyenz、Denhdanz; singz baihsae miz aen Dungvuzyenz caeuq Yihozyen. Gaxgonq, doengh gizneix gaenq bienqbaenz dieg guhcaemz yinzminz raeuz lo. Aen Denh'anhmwnz hwnj ndaej gig hung gig gyaeundei. Gaijfang le, lij hwnj miz Yinzminz Daveidangz daengj gencuzvuz moq, ndeiyawj raixcaix.


Cunghvaz Yinzminz Gunghozgoz
Swngj : Anhveih • Fuzgen • Ganhsu • Gvangjdungh • Gveicouh • Haijnanz • Huznanz • Hwzlungzgyangh • Hoznanz • Hozbaek • Huzbaek • Gyanghsuh • Gyanghsih • Gizlinz • Cinhhaij • Sanjsih • Sanhdungh • Sanhsih • Sanhdungh • Laeuzningz • Swconh • Yinznanz • Cezgyangh • Daizvanh  

 
Swcigih : Gvangjsih • Neimungzguj • Ningzha • Sinhgyangh • Sihcang
sohguenjsi : Baekging • Cungzcing • Sanghaij • Dienhginh
Daegbied hingzcwnggih : Yanghgangj • Aumwnz