Ginghciyoz

Ginghciyoz dwg cungj sevei gohyoz ndeu. Cungj yozvwn neix yenzgiu baenzlawz yungjsawj gij doxgaiq geipnoix haenx guh'ok gij sanghbinj miz gyaciz, vanzlij faenboiq hawj mboujdoengz gij vunz. Seizneix ginghciyoz itbuen faen baenz song cungj faencei: veizgvanh ginghciyoz caeuq hungzgvanh ginghciyoz.

Veizgvanh ginghciyoz

Veizgvanh ginghciyoz yenzgiu gij hingzveiz ginghci godij. Gij godij dwg dan aen sicangz, dan aen giyez, roxnaeuz dan aen gyahdingz. Veizgvanh ginghciyoz miz aen gyajsiet "vunz miz lijsing", couh dwg canghginghciyoz gyajsiet youq dawz ginghci hozdung gakvunz cungj caenhrengz noix vasai bae lai ndaejleih.

Hungzgvanh ginghciyoz

Hungzgvanh ginghciyoz yenzgiu gij hingzveiz ginghci daengxbuenz. Gij muzbyau satbyai de dwg cimhra gij duicwz bae baujciz gozminz ginghci onjdingh dennaj.